ចូលឆ្នាំថ្មីប្រពៃណីជាតិនិងឈានចូលមកដល់ ដែល រៀបចំដោយទូរទស្សន៍ជាតិកម្ពុជា រក្សាប្រពៃណី វប្បធម៌ខ្មែរ ទុកដល់ក្មេងជំនាន់ក្រោយ,…
ការរៀបចំពិធីចូលឆ្នាំថ្មីដែលប្រព្រឹត្តទៅនៅថ្ងៃទី 13. 14. 15 និង 16 ដែលទេវតាយាងចុះនៅវេលាម៉ោង 10:24 នាទីយប់។
នៅវត្តស្វាយជ្រុំដែលស្ថិតនៅភូមិស្វាយជ្រុំ ស្រុកខ្សាច់កណ្ដាល ឃុំកោះដាច់ ខេត្តកណ្ដាល។ មានធ្វើពិធីចូលឆ្នាំខ្មែរ ដែលរៀបចំដោយ
វិទ្យុជាតិកម្ពុជា។តាមការឲ្យដឹងពីលោកប្រាក់សារួន អនុប្រធានការិយាល័យគ្រប់គ្រង ផ្នែកសិល្បៈ ផលឹតកម្មវិធីកំសាន្តនូរវិទ្យុជាតិកម្ពុជា បានឲ្យដឹងថា ឈានដល់ពិធីចូលឆ្នាំថ្មីម្ដងៗនៅទូរទស្សន៍ជាតិកម្ពុជាយើង តែងតែធ្វើការផ្សព្វផ្សាយ ពី វប្បធម៌ប្រពៃណីខ្មែរ ដែលជាការបន្តវេនសម្រាប់ឲ្យក្មេងៗជំនាន់ក្រោយបានដឹង និង ស្គាល់ថា អ្វីទៅ ជាល្បែង របាំ របស់ខ្មែរសម្រាប់លេងនៅពេលចូលឆ្នាំថ្មី ល្បែងទាំងនោះមានដូចជា បោះអង្គុញ ចោលឈូងទាញព្រ័ត ខាំបុិគក់ ចាប់កូនខ្លែង វាយក្អម ដែលដូនតាយើងបានបន្សល់ទុកឱ្យ។
ដូច្នេះការរៀបចំ ល្បែង ប្រជាប្រិយសម្រាប់ចូលឆ្នាំថ្មី។ដូចជាបានជួយបណ្ដុះគំនិតដល់ក្មេងៗជំនាន់ក្រោយត្រូវចេះរក្សាទុកនៅវប្បធម៌ប្រពៃណីខ្មែរ កុំឲ្យសាបសូន្យ។ហើយយើងទាំងអស់គ្នាកុំប្រព្រឹត្តនៅគ្រឿងឧបាយមុខ សូមបោះចោលកែវស្រា ល្បែងស៊ីសង ត្រូវចាប់យកការ លេងល្បែង របាំ បែបប្រពៃណីខ្មែររបស់យើងវិញ។
តាមសង្ឃដីកា ពី ព្រះចៅអធិការវត្តស្វាយជ្រុំ លន់សុតន្ធា បន្តថា ការផ្លាស់ប្តូរទេវតាឆ្នាំចាស់ចូលមកទេវតាឆ្នាំថ្មីនេះ ក្នុងនាមអាត្មាភាពសូមជួយតម្រង់ទិសទៅដល់ក្មេងៗជំនាន់ក្រោយ សូមជួយថែរក្សា វប្បធម៌ប្រពៃណីខ្មែរយើង ឲ្យបានគង់វង្ស ដែលទេវតាឆ្នាំថ្មី និងឈានចូលមកផ្លាស់វេនទេវតាឆ្នាំចាស់។
ព្រះអង្គមានសង្ឃដិកាថា មុននឹងទេវតាឆ្នាំថ្មី យាងចូលមកផ្លាស់វេនទេវតាឆ្នាំចាស់ ក៏ត្រូវតែមានរបាយការណ៍ ដើម្បីរៀបរាប់ពីការគ្រប់គ្រងថែរក្សាការពារពិភពលោកទាំងមូលឲ្យបានសព្វគ្រប់ ទើបប្រគល់តួនាទីនេះជូនទៅដល់ទេវតាឆ្នាំថ្មីធ្វើការបន្ត។
ក្រោយពីទេវតាឆ្នាំថ្មីយាងមកដល់ក្នុងនាមយើង ជាអ្នកកាន់ព្រះពុទ្ធសាសនាត្រូវតែអបអររសាទរទាំងអស់គ្នា និងត្រូវធ្វើពិធីរៀបចំ បាយសី តាមលំដាប់លំដោយ សម្រាប់ថ្វាយទេវតា។ក្រៅពីនោះ ព្រះអង្គ ក៏ សំណូមពរទៅដល់ពុទ្ធបរិស័ទទាំងអស់ ជាពិសេសកុមារៗ និង យុវជន យុវនារី ត្រូវនាំគ្នាចូលវត្ត កប្រព្រឹត្ត គ្រឿង ស្រវឹង ល្បែង សុីសង នាំឲ្យវិនាស។
ក្រៅពីនោះក្រោយបានចូលរួមចំណែក ដើម្បីថតផ្សព្វផ្សាយ ពី ប្រពៃណីជាតិខ្មែរ ដើម្បីឲ្យពិភពលោកបានស្គាល់ ពីតម្លៃ វប្បធម៌ អរិយធម៌ របស់ខ្មែរ។ក្នុងនាមតារាសម្ដែងយើងទាំងអស់ បានចូលរួមចំណែក ក្នុង ការថតផ្សព្វផ្សាយ ពីប្រពៃណីខ្មែរ ដូចជាការ លេងល្បែង ប្រជាប្រិយផ្សេងៗ ដែលដូនតាខ្មែរ បន្សល់ទុកទុកឲ្យ ដល់កូនចៅជំនាន់ក្រោយសូម ជួយថែរ រក្សាទុកជា កេរមរតក សំរាប់កូនចៅជំនាន់ក្រោយ។
# គីតា
