នាព្រឹកថ្ងៃអង្គារ ៣កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣ ខែធ្នូ ឆ្នាំ២០២៤ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រកាសចូលកាន់មុខតំណែងប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ ដែលត្រូវបានតែងតាំងលោក យឹម ណន ជាប្រធានមន្ទីរ ជំនួស លោក ឈៀង តុលា ដែលត្រូវបានចូលនិវត្តន៍ ដែលរៀបចំឡើងនៅសាលប្រជុំ វ៉ី សំណាង ជាន់ទី២ អគាររដ្ឋបាលខេត្ត ដែលមានការអញ្ជើញចូលរួមពី ឯកឧត្តម យឹម សុខុម ប្រធានក្រុមប្រឹក្សាខេត្ត ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្ត ព្រមទាំងមានការអញ្ជើញចូលរួមពី ឯកឧត្តម លោកជំទាវ សមាជិក សមាជិកា លោក លោកស្រី ប្រធានមន្ទីរអង្គភាពជុំវិញខេត្តលោកអភិបាលក្រុង ស្រុក មន្ត្រីរាជការជាច្រើនរូបទៀតផងដែរ។  

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានអញ្ជើញទៅដល់រដ្ឋធានីប៉េកាំង សាធារណរដ្ឋប្រជាមានិតចិន ប្រកបដោយសុវត្តិភាព ដើម្បីបំពេញទស្សនកិច្ចមិត្តភាពផ្លូវការ រយៈពេល៣ថ្ងៃ ពីថ្ងៃទី២ ដល់ថ្ងៃទី៤ ខែធ្នូ ឆ្នាំ២០២៤។ យន្តហោះពិសេសរបស់ព្រះរាជាណាចក្រកម្ពុជា ជើងហោះហើរលេខ ០០១ បានធ្វើការចុះចតនៅអាកាសយានដ្ឋានអន្តរជាតិកាពីតល់ កាលពីវេលាម៉ោង១៣និង១០នាទី ម៉ោងនៅរដ្ឋធានីប៉េកាំង ត្រូវនឹងម៉ោង១២និង១០នាទី ម៉ោងនៅរាជធានីភ្នំពេញ វត្តមាននៃការអញ្ជើញដល់របស់សម្តេចតេជោប្រធានព្រឹទ្ធសភា និងគណៈប្រតិភូជាន់ខ្ពស់ របស់ព្រះរាជាណាចក្រកម្ពុជា ត្រូវបានការធ្វើគារវកិច្ចស្វាគមន៍យ៉ាងកក់ក្តៅបំផុត ពីឯកឧត្តម លីវ ជិនថាវ រដ្ឋមន្រ្តីក្រសួងទំនាក់ទំនងអន្តរជាតិ នៃបក្សកុម្មុយនីស្តចិន ព្រមទាំងឯកឧត្តម លោកជំទាវជាឥស្សរជនថ្នាក់ដឹកនាំជាន់ខ្ពស់បក្ស រដ្ឋ ថ្នាក់ដឹកនាំរដ្ឋធានីប៉េកាំង នៃសាធារណរដ្ឋប្រជាមានិតចិន និងឥស្សរជនការទូតរបស់ព្រះរាជាណាចក្រកម្ពុជា ប្រចាំសាធារណរដ្ឋប្រជាមានិតចិន ជាច្រើនរូប។ ចំពោះព័ត៌មានពិស្តារស្តីពីសកម្មភាព នៃដំណើរបំពេញទស្សនកិច្ចមិត្តភាពផ្លូវការ របស់សម្តេចតេជោប្រធានព្រឹទ្ធសភា និងជាប្រធានគណបក្សប្រជាជនកម្ពុជា ទៅកាន់សាធារណរដ្ឋប្រជាមានិតចិន នឹងធ្វើសេចក្តីរាយការណ៍ជូនជាបន្តបន្ទាប់ ៕ Connect with Samdech Hun Sen : 🌐Telegram (https://t.me/spmhunsen) […]

សម្តេចតេជោ​ ហ៊ុន សែន ប្រធានគណបក្សប្រជាជនកម្ពុជា និងជាប្រធានកិត្តិយសមហាសន្និបាត ICAPP លើកទី១២ អញ្ជើញចូលរួមជាអធិបតីក្នុងពិធីបើកមហាសន្និបាតអន្តរជាតិបណ្ដាគណបក្សនយោបាយនៅអាស៊ី លើកទី១២ – 12th General Assembly of ICAPP (International Conference of Asian Political Parties ) នៅវិមាន​៧មករា ស្នាក់ការកណ្តាលគណបក្សប្រជាជនកម្ពុជា។ មហាសន្និបាតសន្និសីទអន្តរជាតិ ICAPP លើកទី១២ មានចូលរួមពីបណ្តាគណបក្សនយោបាយនៅ អាស៊ីជិត ៦០ មកពីជាង៤០ ប្រទេសបានជួបជុំគ្នាលើទឹកដីកម្ពុជា ដើម្បីបើកកិច្ចពិភាក្សាស្តីពីការស្វែងរកសុខសន្តិភាព និងការផ្សះផ្សា ដែលជាប្រធានបទដ៏សំខាន់ឆ្លើយតបនឹងបរិបទតំបន់ និងពិភពលោក។ រាជធានីភ្នំពេញ ថ្ងៃសុក្រ​ ៧រោច ខែកត្តិក ឆ្នាំរោង ឆស័ក ព.ស.២៥៦៨ ថ្ងៃទី២២ ខែវិច្ឆិកា ឆ្នាំ២០២៤ Connect with Samdech Hun Sen : 🌐Telegram (https://t.me/spmhunsen) 🌐TikTok […]

នៅរាត្រីថ្ងៃសុក្រ ទី២២ ខែវិច្ឆិកា ឆ្នាំ ២០២៤ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានកិត្តិយសមហាសន្និបាតអន្តរជាតិបណ្ដាគណបក្សនយោបាយនៅអាស៊ីលើកទី ១២ (ICAPP 12) និងសម្ដេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានមហាសន្និបាតអន្តរជាតិ នៃបណ្ដាគណបក្សនយោបាយនៅអាស៊ីលើកទី១២ (ICAPP 12) បានរៀបចំពិធីជប់លៀង(Gala dinner) ជូនដល់បណ្ដាប្រតិភូថ្នាក់ដឹកនាំគណបក្សនយោបាយនានា ដែលបានអញ្ជើញចូលរួមនៅក្នុងមហាសន្និបាត ICAPP លើកទី១២ ដែលកម្ពុជាទទួលធ្វើជាម្ចាស់ផ្ទះ។ ពិធីរៀបចំជប់លៀងជូនដល់ប្រតិភូនៃមហាសន្និបាតនេះ ធ្វើឡើងនៅសណ្ឋាគារសុខាភ្នំពេញ ប្រកបដោយភាពរីករាយ និងជោគជ័យជាមហាគ្រួសារ ICAPP៕   Connect with Samdech Hun Sen : 🌐Telegram (https://t.me/spmhunsen) 🌐TikTok (https://www.tiktok.com/@hunsenofcambodia) 🌐Twitter (https://twitter.com/hunsencambodia) 🌐YouTube (https://www.youtube.com/@hunsencambodia) 🌐Instagram (https://instagram.com/hunsencambodia) 🌐Website (http://samdechhunsen.gov.kh/)

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា អនុញ្ញាតឱ្យ ឯកឧត្តម កៅ គឹមហួន អគ្គលេខាធិការនៃអគ្គលេខាធិការដ្ឋានអាស៊ានជួបសម្តែងការគួរសម នៅវិមានព្រឹទ្ធសភា រាជធានីភ្នំពេញ។ ថ្ងៃសៅរ៍ ៨រោច ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៣ ខែវិច្ឆិកា ឆ្នាំ២០២៤ #KAOKIMHOUN #ASEAN #GeneralSecretary #ហនសែន #HunSen #បរធានព្រឹទ្ធសភា #កមពុជា #Cambodia #អរគណសន្តិភាព #ThanksPeace Connect with Samdech Hun Sen : 🌐Telegram (https://t.me/spmhunsen) 🌐TikTok (https://www.tiktok.com/@hunsenofcambodia) 🌐Twitter (https://twitter.com/hunsencambodia) 🌐YouTube (https://www.youtube.com/@hunsencambodia) 🌐Instagram (https://instagram.com/hunsencambodia) 🌐Website (http://samdechhunsen.gov.kh/)

នៅព្រឹក ថ្ងៃសៅរ៍ ៩កើត ខែកត្តិក ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី៩ ខែវិច្ឆិកា ឆ្នាំ២០២៤ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ បានអញ្ជើញដង្ហែព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា យាងជាព្រះរាជាធិបតីភាពដ៏ខ្ពង់ខ្ពស់បំផុត ក្នុងខួបអនុស្សាវរីយ៍ខួប៧១ឆ្នាំ នៃទិវាបុណ្យឯករាជ្យជាតិ ៩វិច្ឆិកា​​ នៅវិមានឯករាជ្យ។ ព្រះរាជពិធីផ្លូវការនៃទិវាបុណ្យឯករាជ្យជាតិលើកទី៧១ នេះ ក៏មានការយាង និងអញ្ជើញចូលរួមពីថ្នាក់ដឹកនាំ ស្ថាប័នកំពូលៗរបស់កម្ពុជា មានសមាជិកព្រឹទ្ធសភា រដ្ឋសភា រាជរដ្ឋាភិបាល ភ្ញៀវជាតិ អន្តរជាតិ មន្ត្រីទូតនានា មន្រ្តីរាជការ កងកម្លាំងប្រដាប់អាវុធ យុវជន យុវតី សិស្សានុសិស្ស និងមហាជនយ៉ាងច្រើនកុះករ។ ទិវាបុណ្យឯករាជ្យជាតិ៩ វិច្ឆិកា បានរំលឹកឲ្យឃើញពីព្រះរាជបេសកកម្មដើម្បីជាតិមាតុភូមិ និងប្រជារាស្ត្រខ្មែរ របស់ព្រះករុណា ព្រះបាទ សម្តេចព្រះនរោត្តម សីហនុ ព្រះបិតាឯករាជ្យជាតិ ព្រះបរមរតនកោដ្ឋ ដែលព្រះអង្គបានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុត […]

នៅរសៀលថ្ងៃចន្ទ ៤ កើត ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៤ ខែវិច្ឆិកា ឆ្នាំ២០២៤ សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានអញ្ជើញសំណេះសំណាលជាមួយបងប្អូនពុទ្ធបរិស័ទខ្មែរក្រោម ក្នុងអង្គកឋិនទានមហាសាមគ្គីគ្រួសារខ្មែរ នៅវត្តពោធិគិរីវង្សារាម ខេត្តត្រាវិញ សាធារណរដ្ឋសង្គមនិយមវៀតណាម។ ជាកិច្ចចាប់ផ្ដើម សម្ដេចកិត្តព្រឹទ្ធបណ្ឌិត ប៊ុន រ៉ានី ហ៊ុនសែន បានមានប្រសាសន៍ថា ក្នុងព្រះបរមនាមសម្តេចព្រះមហាសង្ឃរាជទាំងពីរគណៈ ក្នុងនាមសម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធសភា សម្តេចប្រធានរដ្ឋសភា សម្តេចបវរធិបតី ហ៊ុន ម៉ាណែត នាយករដ្ឋមន្ត្រី សមាគមកាកបាទក្រហមកម្ពុជា ព្រមទាំងថ្នាក់ដឹកនាំ និងមន្ត្រីរាជការ បងប្អូនប្រជាពលរដ្ឋ មហាពុទ្ធបរិស័ទខ្មែរ ជិតឆ្ងាយទាំងអស់ ដែលជាម្ចាស់ដើមទាន ប្រធានផ្តើមបុណ្យ អង្គកឋិនទានមហាសាមគ្គីគ្រួសារខ្មែរពីព្រះរាជាណាចក្រកម្ពុជា សម្តេចពិតជាមានសេចក្តីរំភើប និងសោមនស្ស រីករាយក្រែលែង ដោយបានចូលរួមក្នុងពិធីដង្ហែ អង្គកឋិនទានមហាសាមគ្គីគ្រួសារខ្មែរ នេះ ដើម្បីនាំយកមកវេរប្រគេនព្រះភិក្ខុសង្ឃ ដែលបានគង់ចាំព្រះវស្សា […]

សេចក្តីប្រកាសព័ត៍មានស្តីពីលទ្ធផលនៃការបើកសម័យប្រជុំលើកទី២ ព្រឹទ្ធសភានីតិកាលទី៥។

នៅព្រឹកថ្ងៃព្រហស្បតិ៍ ១៤ រោច ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣១ ខែតុលា ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឲ្យចៅ ណន សុខហេង អាយុ២២ឆ្នាំរស់នៅភូមិត្រពាំងព្រីង សង្កាត់ក្រចេះ ក្រុងក្រចេះ ខេត្តក្រចេះ ដែលមានជម្លោះជាមួយ ឈ្មោះ គា ចន្ធូ ម្ចាស់ក្រុមហ៊ុន«ស៊ាង ឡង មីងស៊ូ» លក់ និងផ្គត់ផ្គង់សម្ភារៈការពារជម្រាបទឹក ដែលមានទីតាំងនៅផ្លូវភ្នំពេញ ហាណូយ ភូមិឃ្មួញ សង្កាត់ឃ្មួញ ខណ្ឌសែនសុខ ចូលជួបដើម្បីសម្របសម្រួលបញ្ចប់ជម្លោះក្រៅប្រព័ន្ធតុលាការ ដោយមានការចូលរួមសម្របសម្រួលដោយ ប្រធានគណៈកម្មាធិការនីតិកម្មព្រឹទ្ធសភា ស្នងការនគរបាលរាជធានីភ្នំពេញ នៅវិមានព្រឹទ្ធសភា រាជធានីភ្នំពេញ។ នៅក្នុងការសម្របសម្រួលនេះ សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើសុំអោយភាគីជម្លោះ និងបានណែនាំទៅ គណៈកម្មាធិការនីតិកម្មព្រឹទ្ធសភា ក្រុមមេធាវីស្ម័គ្រចិត្តសម្ដេច និងស្នងការនគរបាលរាជធានីភ្នំពេញ ធ្វើការសម្របសម្រួលបញ្ចប់ជម្លោះនេះនៅក្រៅប្រព័ន្ធតុលាការ ដោយកុំឲ្យបន្តដេញដោលរកខុសត្រូវអ្វីបន្ថែមទៀត ពិសេសកុំមានការគុំគួនគ្នា […]

នៅព្រឹក ថ្ងៃចន្ទ ១១រោច ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៨ ខែតុលា ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានអញ្ជើញដង្ហែព្រះករុណាព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងព្រះរាជពិធីសាសនាខួបទី២០ នៃការគ្រងព្រះបរមសិរីរាជសម្បត្តិរបស់ព្រះអង្គ ដែលប្រារព្ធធ្វើឡើងនៅ ព្រះទីនាំងទេវាវិនិច្ឆ័យ ព្រះបរមរាជវាំង។   សូមជម្រាបថា ថ្ងៃទី ២៩ខែតុលា ឆ្នាំ ២០២៤ ស្អែកនេះ គឺជាខួប២០ឆ្នាំ នៃការឡើងគ្រងរាជសម្បត្តិរបស់ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា។ គម្រប់ខួប២០ឆ្នាំនេះ ប្រមុខរាជរដ្ឋាភិបាលកម្ពុជា ក៏ដូចជាថ្នាក់ដឹកនាំស្ថាប័នធំៗរបស់ជាតិ បានផ្ញើសារលិខិតថ្វាយព្រះពរថ្វាយព្រះអង្គជាបន្តបន្ទាប់ ក្នុងនោះ ថ្នាក់ដឹកនាំព្រឹទ្ធសភា សមាជិកព្រឹទ្ធសភា […]

នារសៀលថ្ងៃទី១៦ ខែតុលា ឆ្នាំ២០២៤ សម្តេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ លោក Julien Nargeot អនុប្រធានផ្នែកលក់ប្រចាំតំបន់អាស៊ីអាគ្នេយ៍ ប៉ាស៊ីហ្វិក អូស្រ្តាលី និងនូវែលសេឡង់ នៃក្រុមហ៊ុន Gulfstream Aerospace Corporation ចូលជួបសម្ដែងការគួរសម និងពិភាក្សាការងារ នៅវិមានសន្ដិភាព។ ក្នុងឱកាសនៃជំនួប លោក Julien Nargeot បានសម្ដែងនូវការកោតសរសើរចំពោះការអភិវឌ្ឍរីកចម្រើនយ៉ាងឆាប់រហ័សលើគ្រប់វិស័យនៅកម្ពុជា និងការចាប់អារម្មណ៍ចំពោះឧស្សាហកម្មអាកាសចរណ៍នៅកម្ពុជា។ លោក Julien Nargeot បានគោរពជម្រាបជូនសម្ដេចធិបតីថា ក្រុមហ៊ុន Gulfstream Aerospace Corporation គឺជាក្រុមហ៊ុនផ្គត់ផ្គត់យន្តហោះឈាឈានមុខមួយរបស់សហរដ្ឋអាមេរិក ដោយផ្តោតលើយន្តហោះឯកជន(Private Jet)។ ក្រុមហ៊ុន Gulfstream Aerospace Corporation មានបំណងចូលរួមអភិវឌ្ឍឧស្សាហកម្មអាកាសចរណ៍នៅកម្ពុជា ដើម្បីរួមចំណែកពពង្រីកការតភ្ជាប់ និងទេសចរណ៍ នៅក្នុងតំបន់ និងពិភពលោក។ ជាការឆ្លើយតប សម្ដេចបវរធិបតីបានស្វាគមន៍ចំណាប់អារម្មណ៍របស់ក្រុមហ៊ុន ចំពោះឧស្សាហកម្មអាកាសចរណ៍នៅកម្ពុជា។ សម្ដេចបវរធិបតីបានគូសបញ្ជាក់ថា តាមរយៈកំណើនសេដ្ឋកិច្ចប្រកបដោយភាពធន់ ក៏ដូចជាសម្ទុះនៃការអភិវឌ្ឍលើគ្រប់វិស័យរបស់កម្ពុជា ការធ្វើធុរកិច្ចក្នុងឧស្សាហកម្មអាកាសចរណ៍នៅកម្ពុជា នឹងផ្តល់ឱកាសល្អដល់ក្រុមហ៊ុន។ […]

នៅក្នុងឱកាសចូមរួមមហាសន្និបាតអន្តរសភាអាស៊ាន លើកទី៤៥ នៅទីក្រុងវៀងច័ន្ទន៍ ប្រទេសឡាវ នៅថ្ងៃទី២១ ខែតុលា ឆ្នាំ២០២៤ ឯកឧត្តម សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃរដ្ឋសភា បានជួបពិភាក្សាការងារជាមួយគណៈប្រតិភូរដ្ឋសភាតួកគី ដឹកនាំដោយ ឯកឧត្តម Osman Saglam ប្រធានក្រុមមិត្តភាពសភាតួកគី-អន្តរសភាអាស៊ាន។ ឯកឧត្តមប្រធានបានស្វាគមន៍ប្រទេសតួកគី ដែលមានបំណងចង់ពង្រីកកិច្ចសហប្រតិបត្តិការជាមួយនឹងកម្ពុជា និងអាស៊ាន។ ឆ្លៀតឱកាសនោះ ឯកឧត្តម ក៏បានអញ្ជើញភាគីមិត្តចូលរួមសម័យប្រជុំពេញអង្គនៃសភាអន្តរជាតិដើម្បីភាពអត់ឱននិងសន្តិភាព IPTP លើកទី១១ នៅខែវិច្ឆិកា ឆ្នាំ២០២៤ នៅកម្ពុជា ដែលនឹងប្រកាសនូវគំនិតផ្តួចផ្តើម «ធម្មនុញ្ញសន្តិភាព»។ ឯកឧត្តម Osman Saglam បានទទួលយកការអញ្ជើញ និងសូមអរគុណដល់សភាកម្ពុជា ដែលគាំទ្រដល់ការចូលជាសមាជិកសង្កេតការណ៍ AIPA របស់សភាតួកគី កាលពីឆ្នាំ២០២៣កន្លងទៅ។ ឯកឧត្តមបានសម្តែងនូវការពេញចិត្តចំពោះភាពរីកចម្រើននៃទំនាក់ទំនងរវាងតួកគី និងកម្ពុជា និងតំបន់អាស៊ាន ដែលតួកគីផ្តោតសំខាន់សម្រាប់កិច្ចសហប្រតិបត្តិការសេដ្ឋកិច្ច និងពាណិជ្ជកម្ម។ ភាគីទាំងពីរក៏បានផ្លាស់ប្តូរអំពីបទពិសោធ និងសក្ដានុពលអំពីការអភិវឌ្ឍឧស្សាហកម្មទេសចរណ៍ និងការកែច្នៃផលិតផលកសិកម្មនៅកម្ពុជា។ តំណាងរដ្ឋសភាកម្ពុជា និងតួកគី នឹងបន្តលើកកម្ពស់ការផ្លាស់ប្តូរគណៈប្រតិភូសភាប្រទេសទាំងពីរ ៕ ប្រភព៖ […]

នៅព្រឹកថ្ងៃសុក្រ ១១កើត ខែភទ្របទ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី១៣ ខែកញ្ញា ឆ្នាំ២០២៤ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូជាន់ខ្ពស់ ធ្វើដំណើរត្រឡប់មកដល់ព្រះរាជាណាចក្រកម្ពុជាវិញហើយ បន្ទាប់ពីបានអញ្ជើញចូលរួមក្នុងវេទិកាចំណេះដឹងពិភពលោកលើកទី២៥ ក្រោមមូលបទ «មាគ៌ាឆ្ពោះទៅរកសហត្ថិភាព» ព្រមទាំងអញ្ជើញចូលរួមកម្មវិធីផ្លូវការសំខាន់ៗផ្សេងទៀតនៅសាធារណរដ្ឋកូរ៉េខាងត្បូង ចាប់ពីថ្ងៃទី៩ ដល់ថ្ងៃទី១៣ ខែកញ្ញា ឆ្នាំ២០២៤ ប្រកបដោយលទ្ធផលជោគជ័យ ផ្លែផ្កាយ៉ាងត្រចះត្រចង់៕

នារសៀលថ្ងៃចន្ទ ទី០២ ខែកញ្ញា ឆ្នាំ២០២៤ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ បានដឹកនាំមន្ទីរជំនាញពាក់ព័ន្ធបានអញ្ជើញចុះពិនិត្យស្ថានភាព អេស្កាវ៉ាទ័រកាយសំអាតច្រាំង នៅតាមបណ្តោយដងស្ទឹងព្រែកត្នោត ចាប់ពីស្ពានខាងលិច រហូតដល់ទំនប់ខាងកើត។ ឯកឧត្តមបណ្ឌិតបានណែនាំដល់អង្គភាពជំនាញពាក់ព័ន្ធទាំងអស់ត្រូវខិតខំជំរុញ និងយកចិត្តទុកដាក់តាមដានក្នុងការសំអាតអោយបានស្អាតល្អ លឿនឆាប់រហ័ស និងធានាអោយបាននៅសោភ័ណភាព សន្តិសុខសណ្តាប់ធ្នាប់ សុខសុវត្តិភាពល្អជូនប្រជាពលរដ្ឋដើម្បីត្រៀមសម្រាប់ថ្ងៃប្រារព្ធពិធីបុណ្យអុំទូកនៅខេត្តកំពង់ស្ពឺ នាពេលខាងមុខ៕

ឆ្នេរអូត្រេះជារមណីយដ្ឋានដ៏ល្អមួយដែលមានភ្ញៀវទេសចរណ៍ឬភ្ញៀវ ក្នុងស្រុកមកកំសាន្តមិនដាច់។ នៅតំបន់នេះមិនថាឡើយភ្ញៀវក្នុងស្រុកនិងក្រៅស្រុកមួយចំនួនចេញចូលៗនៅហាង(នំបញ្ចុករហត្ថ) ជាហូរហែរ ហាងនេះចាប់ផ្ដើមបើកនៅវេលាម៉ោង៧ព្រឹករហូតដល់ ម៉ោង 10 យប់។ អ្នកនាង អេងហ្គិចលេង ជាអ្នកគ្រប់គ្រងហាង(នំបញ្ចុករហត្ថ)នៅឆ្នេរអូត្រេះ ភូមិ 6 សង្កាត់ 4 ក្រុមព្រះសីហនុបានរៀបរាប់ថា ហាងនេះដំណើរការតាំងពីឆ្នាំ 2023 ខែ 11 បើកពីម៉ោង៧ព្រឹករហូតដល់ម៉ោង 10 យប់បន្ថែមពីលើនេះហាងយើងខ្ញុំមានម្ហូបឆ្ងាញ់ពិសារ គ្រឿងសមុទ្រ ដែលមានការ កាម្ម៉ង់ របស់ភ្ញៀវ ខ្មែរ ឬ បរទេស តាមការចូលចិត្ត ហើយមានភ្ញៀវខ្លះតែងតែជួល អូរប័រ ជិះលេងកម្សាន្តលើផ្ទៃ សមុទ្រ ទៀតផង។តាមការជួលរបស់ភ្ញៀវ១ម៉ោងឬ២ម៉ោង ហើយថ្ងៃសៅរ៍ និង ថ្ងៃ អាទិត្យ ភ្ញៀវមកច្រើនជាងថ្ងៃធម្មតា។ អ្នកនាងបានបញ្ជាក់ពីមុននិងឥឡូវទៀតថា ដំណើរការកំសាន្តរបស់ភ្ញៀវតាមបណ្តា ខេត្តនានា ឬ អ្នកភ្នំពេញ អ្នកនៅខេត្តនេះក្តី មកលេងគឺមានកំណើនភ្ញៀវចេញចូលធម្មតាមិនថា ថ្ងៃបុណ្យជាតិដូចជាចូលឆ្នាំខ្មែរ ភ្ជុំបិណ្ឌ ឬ ពិធីបុណ្យផ្សេងៗ ឡើយ តែងតែមកលេងនៅទីនេះទៅមក ហូរហែមិនដាច់ […]

ការផ្ដល់ឱកាស សម្រាប់អ្នកសារព័ត៌មានស្ត្រីកម្ពុជាបានចែក រំលែកនូវបទពិសោធន៍និងការងារពិភាក្សាអំពីឱកាសនិងការស្វែងយល់ពីបញ្ហា រកដំណោះស្រាយចំពោះការប្រឈមនានាទាក់ទងនឹងផ្លូវច្បាប់។ ការចែករំលែកនិងបទពិសោធន៍ ក្នុងការធ្វើព័ត៌មានស្ត្រីគឺជួបការលំបាកដែរចំពោះ រូបខ្ញុំ តែដោយឆន្ទៈនិងតួនាទីជាអ្នកកាសែតស្ត្រីម្នាក់គឺយើងត្រូវតែឈ្មុសឈ្មុលដើម្បីការផ្ទៀងផ្ទាត់និងយកព័ត៌មានដើម្បីការសរសេរឲ្យមានតណ្លាភាពគ្រប់ជ្រុងជ្រោយ។នេះជាការលើកឡើងរបស់អ្នកនាងសុឹមសល់ម៉ាជាអ្នកយកព័ត៌មានឱ្យ ទូរទស្សន៍CITV channel ដែលអ្នកនាងបញ្ជាក់ពីបញ្ហាផ្លូវចិត្តមានចំពោះអ្នកនាងខ្លះដែរ។ក្នុងស្ថាប័នមួយដែលខ្វះធនធានស្ត្រីជាអ្នកយកព័ត៌មានក្នុងការទំនាក់ទំនងទៅយកព័ត៌មានឡាយនិងថតសំឡេងជាដើម។ ដោយឡែកការធ្វើព័ត៌មានរបស់អ្នកស្រី អ៊ុចសុខា ជាអនុប្រធានការិយាល័យវិទ្យុក្រុងព្រះសីហនុ ទាក់ទងនឹងការប្រឈមនានាវិញអ្នកស្រីបញ្ជាក់ថា ពុំសូវមានបញ្ហានោះឡើយ។ឯការប្រឈមវិញគឺជុំវិញ ការដាច់ចរន្តអគ្គិសនីដែលបង្កជាបញ្ហាយ៉ាងខ្លាំង។អ្នកស្រីបន្តថាម៉្យាងទៀតមន្ទីរព័ត៌មានយើងច្រើនជាស្ត្រី ហើយក៏ពុំសូវចោទជាបញ្ហាផ្លូវចិត្តជាមួយនឹងបុរសដែរ។ អ្នកស្រីហង្សសម្ផស្ស ប្រធានក្រុមបណ្ដាញអ្នកសារព័ត៌មានស្រី cfj បង្ហាញពីការចាប់ផ្ដើមការងារនៅអង្គការមណ្ឌលព័ត៌មានស្ត្រីកម្ពុជាដោយសង្កត់ធ្ងន់ថាបានចាប់ផ្ដើមការងារនេះនៅឆ្នាំ 2002 ហើយក៏ជាការញៀននៃការស្ដាប់វិទ្យុស្ត្រីដែលនិយាយអំពីសុខភាព យុវវ័យ និងបញ្ហាផ្សេងៗទៀតក្នុងសង្គម ការលើកទឹកចិត្តដល់អ្នកស្ដាប់ទទួលបានរង្វាន់ ក្រោយមកអ្នកនាងក៏បានក្លាយជាអ្នកគាំទ្រ នឹង ជាបុគ្គលិកនៃWMC។ អ្នកស្រីបន្ថែមនូវការផ្សព្វផ្សាយព័ត៌មានថា ការយកព័ត៌មាន ឬ អ្នកផលិតកម្មវិធី នោះទេ ដែលស្ត្រីអាចរងនូវសម្ពាធផ្លូវចិត្តច្រើន។ទាក់ទងនឹងការងារសង្គមដែលអាចជួបនូវផលប៉ះពាល់ដូចៗគ្នា។ # គីតា

នារសៀលថ្ងៃសុក្រ ៤រោច ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៣ ខែសីហា ឆ្នាំ២០២៤ ឯកឧត្តម យឹម សុខុម ប្រធានក្រុមប្រឹក្សាខេត្ត ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្ត បានអញ្ជើញចូលរួមជាអធិបតីភាពក្នុងពិធីសំណេះសំណាល និងប្រគល់វិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋចំនួន ៩ភូមិ នៅឃុំក្រាំងដីវ៉ាយស្រុកភ្នំស្រួច ខេត្តកំពង់ស្ពឺ និងមានការអញ្ជើញចូលរួមពីលោកនាយក នាយករងទីចាត់ការ លោកប្រធាន លោកអនុប្រធានអង្គភាពចំណុះរដ្ឋបាលខេត្ត និងមន្ទីរជំនាញពាក់ព័ន្ធ រៀបចំនៅសាលាឃុំក្រាំងដីវ៉ាយ ស្រុកភ្នំស្រួច ខេត្តកំពង់ស្ពឺ៕

នៅ​ព្រឹកថ្ងៃទី៩ ខែសីហា ឆ្នាំ២០២៤ ឯកឧត្តម ខ្លូត ចិន្តា អភិបាលរងខេត្ត តំណាងឯកឧត្តម អ៊ុន ចាន់ដា អភិបាលនៃគណ:អភិបាលខេត្តកំពង់ចាម បានអញ្ជើញចូលរួមក្នុងវេទិកាសន្ទនា ជាមួយអង្គការសង្គមស៊ីវិល សហគមន៍ សមាគម នៅខេត្តកំពង់ចាម និងខេត្តត្បូងឃ្មុំ ក្រោមប្រធានបទ”ការឈ្វេងយល់អំពីតួនាទីអង្គការសង្គមស៊ីវិល ក្នុងក្របខ័ណ្ឌយុទ្ធសាស្ត្របញ្ចកោណដំណាក់កាលទី១” នៅសណ្ឋាគារភ្នំប្រុស សង្កាត់កំពង់ចាម ក្រុងកំពង់ចាម ដែលរៀបចំដោយវេទិកាសម្ព័ន្ធសង្គមស៊ីវិល(វ.ស.ស) ក្រោមអធិបតីភាពឯកឧត្តម កឹមរ័ត្ន វិសិដ្ឋ នាយករងខុទ្ទកាល័យសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា រដ្ឋលេខាធិការទីស្តីការគណ:រដ្ឋមន្ត្រី និងជាប្រធានក្រុមប្រឹក្សាភិបាលវេទិកាសម្ព័ន្ធសង្គមស៊ីវិល(វ.ស.ស) ។

ព្រឹកថ្ងៃទី០៦​ ខែសីហា​ ឆ្នាំ២០២៤ លោក​ នាង​ ឈុនហ៊ាង​ ប្រធានក្រុមប្រឹក្សាក្រុងកំពង់ចាម​ អញ្ជេីញដឹកនាំកិច្ចប្រជុំសាមញ្ញលេីកទី៣​ អាណត្តិទី៤​ របស់ក្រុមប្រឹក្សាក្រុងកំពង់ចាម​ ។ ដោយដោយមានការចូលរួមសមាជិក​ក្រុមប្រឹក្សា​ក្រុង​ គណៈអភិបាលក្រុង​ នាយក​ នាយករងរដ្ឋបាលក្រុង​ ប្រធានការិយាល័យចំណុះរដ្ឋបាលក្រុង​ ចៅសង្កាត់ទាំងបួន​ លោក​ លោកស្រី​ អង្គការការសងម្គសុីវិល​ និងមន្ត្រីពាក់ព័ន្ធ​ ។ របៀបវារៈដូចខាងក្រោមៈ ២.ត្រួតពិនិត្យ​ កូរ៉ូមប្រជុំ ៣.ពិនិត្យ​ និងអនុម័តលេីសេចក្តីព្រាងរបៀបវារៈ ៤.ពិនត្យ​ និងអនុម័តកំណត់ហេតុនៃកិច្ចប្រជុំសាមញ្ញលេីកទី២​ អាណត្តិទី៤​ ររបស់ក្រុមប្រឹក្សាក្រុង។ ៥. ពិនត្យ​ និងអនុម័តកំណត់ហេតុនៃកិច្ចប្រជុំវិសាមញ្ញលេីកទី១​ អាណត្តិទី៤​ របស់ក្រុមប្រឹក្សាក្រុងកំពង់ចាម​ ៦.ពិនិត្យ​ និងអនុម័ត​ សេចក្តីសម្រេច​ ស្តីពីការបែងចែកភារកិច្ចក្រុមប្រឹក្សាក្រុងចុះជួយសង្កាត់ទាំងបួន​ សម្រាប់អាណត្តិទី៤​ ៧.ពិនិត្យ​ និអនុម័ត​ តារាងបែងចែកប្រាក់រង្វាន់លេីកទឹកចិត្តសម្រាប់មន្ត្រីរាជការ​ ប្រចាំខែកក្កដា​ ឆ្នាំ២០២៤ ៨.ពិនិត្យ​ និងអនុម័ត​ របាយការណ៍ប្រចាំខែកក្កដា​ និងទិសដៅអនុវត្តបន្ត​​ ឆ្នាំ២០២៤ ៩.មតិយោបល់គណៈអភិបាលក្រុងកំពង់ចាម​ ១០.បញ្ហាផ្សេងៗ។

នៅព្រឹកថ្ងៃសៅរ៍ ១៤ រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣ ខែសីហា ឆ្នាំ២០២៤ ឯកឧត្តម អ៊ុនចាន់ដា សមាជិកគណៈកម្មាធិការកណ្ដាល គណបក្សប្រជាជនកម្ពុជា ប្រធានគណៈកម្មាធិការគណបក្សខេត្តកំពង់ចាម បានអញ្ជើញជាអធិបតីក្នុងពិធីប្រកាសផ្ទេរភារកិច្ច​ និងតែងតាំងប្រធានគណបក្សប្រជាជនកម្ពុជាស្រុកព្រៃឈរ​ ស្ថិតនៅទីស្នាក់ការគណបក្សស្រុក។ ពិធីនេះក៏មានការអញ្ជើញចូលរួមពីសំណាក់ ឯកឧត្តម ខ្លូត ផន អនុប្រធានប្រចាំការគណបក្សខេត្ត ព្រមទាំងថ្នាក់ដឹកនាំ និងមន្ត្រីគណបក្សមូលដ្ឋានជាច្រើនរូប។ លោក​ ខេង​ ម៉េងឈុន​ ត្រូវបានប្រកាសផ្ទេរភារកិច្ច​ និងតែងតាំងជាប្រធានគណបក្សប្រជាជនកម្ពុជាស្រុកព្រៃឈរ​ ជំនួសលោក​ មាស​ ទួក​ ដែលត្រូវទទួលភារកិច្ចថ្មី៕

ដើម្បីពង្រឹងលើការសរសេរអត្ថបទព័ត៌មានឱ្យកាន់តែស៊ីជម្រៅមានទិន្នន័យច្បាស់លាស់ដែលជាផ្នែកមួយងាយស្រួលធ្វើការវិភាគបាននិងមានទំនុកចិត្ត។ដូច្នេះអង្គការហែលឡែនខេលល័រ និងគម្រោងMUSEFO Giz បានរៀបចំ វគ្គបណ្ដុះបណ្ដាលអ្នកសារព័ត៌មាន ស្តីពីសារព័ត៌មានទិន្នន័យជូនដល់អ្នកសារព័ត៌មានអាហាររូបត្ថម្ភ ដែលធ្វើឡើង ចុងខែកក្កដា នៅសណ្ឌាគារ អេនីក។ តាមការឲ្យដឹងពីលោកគុណចិន្ដាអ្នកជំនាញផ្នែកសារព័ត៌មានបានឲ្យដឹងអំពីទិន្នន័យដែលមានតួនាទីសំខាន់ក្នុងការប្រមើមើលថា តើកម្ពុជាមកដល់ពេលនេះមានបំណុលសាធារណៈក្រៅប្រទេសប៉ុន្មាន?។ លោកគុណចិន្ដាបញ្ជាក់អំពីការទាក់ទងនឹងវិស័យចរាចរណ៍ ពាក់ព័ន្ធរឿងនេះចរាចរណ៍ក៏បានកត់ត្រាពីការគ្រោះថ្នាក់តាមប្រភេទនីមួយៗពីឆ្នាំ 2012 ដល់ 2020។ដោយសារតែមានទិន្នន័យបែបនេះទើបរដ្ឋាភិបាលដាក់ចេញនូវគោលនយោបាយដែលមានប្រសិទ្ធភាពក្នុងការកាត់បន្ថយគ្រោះថ្នាក់ចរាចរណ៍នៅតាមផ្លូវ។ លោកសួសសុខាអ្នកដឹកនាំគម្រោងអង្គការហែលឡែនខេល័រ បានគូសបញ្ជាក់ពីការពាក់ព័ន្ធនឹងអាហាររូបត្ថម្ភដែលនៅខេត្តកំពង់ធំ តាកែវ កំពតជាគោលដៅរបស់គម្រោង។លោកបន្តថាក្នុងខេត្តទាំង៣ដែលត្រូវជ្រើសរើសធ្វើការជាមួយសហគមនកសិកម្ម អេស៊ី ចំនួន ១០នាក់ក្នុងសហគម កសិកម្ម។ លោកបន្តទៀតថាគឺជាការជ្រើសរើសគ្រូបង្គោលឬកសិករដើម្បីដឹកនាំធ្វើការដាំដុះបច្ចេកទេសលើស្រូវបន្លែដែលមានចំនួន៣នាក់។ដូច្នេះក្នុង ១០០សហគម កសិកម្ម ស្មើនឹង ៣០០ កសិករបង្គោលរបស់យើង។ #គីតា

ក្នុងដំណើរមួយទៅកាន់ប្រាសាទបាគងរបស់ បណ្ដាញសារព័ត៌មានស្ត្រី ដើម្បីស្រាវជ្រាវ អំពី ប្រវត្តិ ស្ថាបត្យកម្ម របស់ប្រាសាទបាគង។តាមឯកសារយោងរបស់អាជ្ញាធរអប្សរានៅក្នុងប្រវត្តិស្ថាបត្យកម្មខ្មែរ សំណង់សាសនា លើកទី១ ដែលលិចធ្លោឡើងជាជាន់ មាន 5 ថ្នាក់។តាមអ្នកស្រាវជ្រាវហៅថា “ប្រាសាទភ្នំ”។ដែលព្រះបាទជ័យវរ្ម័នទី១ បានប្រារព្ធឆ្លងប្រាសាទបាគង នៅឆ្នាំ 881 ពោលគឺ 2 ឆ្នាំក្រោយឆ្លងប្រាសាទព្រះគោររួច ដែលនេះជាប្រពៃណីមួយ មានកាលពីពេលនោះគឺថាព្រះរាជាច្រើនតែសាងអ្វីមួយឧទ្ទិសទៅបុព្វការីព្រះអង្គ ហើយសិន ទើបធ្វើបុណ្យឆ្លងសំណង់សម្រាប់កិច្ចបូជាផ្ទាល់ព្រះអង្គ។ លោកអ្នកដែលកំពុងស្ថិតនៅក្នុងបរិវេណកំពែងដី របស់ប្រាសាទបាគង។ដែលមានទំហំ 900 ម៉ែត្រ គុណ 700 ម៉ែត្រដែលមានប្រាសាទឥដ្ឋ ចំនួន 22 ភាគច្រើនបាំងដោយរុក្ខជាតិនិងលំនៅដ្ឋាន។ចំណែកឯកំពែងថ្មបាយក្រៀម ដែលហ៊ុំព័ទ្ធគូទឹកខាងមុខនេះមានប្រវែង 400 ម៉ែត្រ គុណ 300 ម៉ែត្រ។ នៅច្រកចូលអមសងខាងផ្លូវ មានរូបចម្លាក់នាគដែលគេឆ្លាក់ក្នុងលំហនិងនៅចុងកន្ទុយនាគនីមួយៗមានស្លាកស្នាមក្រញ៉ាំជើងគ្រុឌ។នេះជាលើកទីមួយហើយក្នុងប្រវត្តិស្ថាបត្យកម្មខ្មែរ ដែលឆ្លាក់សាងរូបនាគនៅក្នុងលំហអមផ្លូវដើរចូល ក្នុងរបៀបនេះ។ចំណែក ” ប៉ម” នៅកំពូលកណ្ដាលស្ថិតនៅខឿនលើបង្អស់នោះ សាងឡើង ពេលក្រោយនោះទេ ពោលគឺនៅសតវត្សទី 12 ដែលយើងពុំដឹងថាប្រាង្គដើមមានរូបរាងដូចម្ដេចឡើយ។

ក្រោយពីបានបញ្ចប់បេសកកម្មវេទិកាអ្នកសារព័ត៌មានស្ត្រី ក្រុមស្ត្រី ដែលជាអ្នកសារព័ត៌មានបានធ្វើដំណើរទស្សនកិច្ចទៅកាន់ប្រាសាទបាយ័នបើសិនជាគេធ្វើដំណើរចេញពីភ្នំពេញទៅខេត្តសៀមរាបដែលមានចម្ងាយផ្លូវ 312 គីឡូម៉ែត្រ តាមផ្លូវជាតិលេខ 6 ហើយត្រូវបត់ចូល ផ្លូវដែលមានដើមឈើ តូច ធំ អមសងខាង យើងនឹងឃើញប្រាសាទមួយដែលកំពុងឈរជ្រងោរឡើង នោះគេហៅថាប្រាសាទបាយ័ន។ ប្រាសាទបាយ័នដែលជាមោទនភាពមួយរបស់ជាតិខ្មែរ។បើតាមការស្រាវជ្រាយនៃឯកសារដែលចេញពីអាជ្ញាធរជាតិអប្សរានៅប្រវត្តិដ៏រុងរឿងមួយใនៅសម័យកាលនោះ ឱ្យដឹងពីប្រវត្តិប្រាសាទបាយ័នដែលជានិមិត្តរូបដ៏ធំទូលំទូលាយខ្លាំងណាស់។បើសិនជាគេប្រៀបធៀបទៅនឹងក្រុងអង្គរធំ។ដែលស្ថិតនៅចំកណ្ដាលសមុទ្រទឹកដោះ។ហើយដែលពពួកទេវតានិងពពួកអប្សរបានបបួលគ្នាកូរសមុទ្រនេះឲ្យខាប់ លុះសមុទ្រនេះចេះតែខាប់ឡើងៗគេក៏ប្រមាញ់យកទឹកអម្រិតដែលនឹងផុសចេញមក។ហើយព្រមព្រៀងគ្នាថាអម្រិតនោះត្រូវបានទៅក្រុមណាដែលត្រូវនឹងដណ្ដើមយកបានមុន។ តាមឯកសារបង្ហាញឲ្យដឹងទៀតថាដោយឡែកភាគីទាំងសងខាងទាំងនោះបាននាំគ្នាយកពស់មួយមានឈ្មោះថា(ពាសុកី)មករុំជុំវិញភ្នំបន្ទរ ហើយរូតបង្វិលភ្នំទៅមកៗ ដូចជាក្នរដូច្នោះឯង។ដូចដែលកូរសមុទ្រនេះ អ្នកទស្សនាអាចមើលឃើញរឿងចម្លាក់កូរសមុទ្រនេះនៅតាមច្រកទ្វារចូលអង្គរធំទាំង ប្រាំ។ ក្នុងអត្ថន័យនេះអង្គរធំដែលមានប្រាសាទបាយ័នឬហៅថាជ័យគីរី បើតាមសិលាចារឹកនៅកណ្ដាលគឺជាបុរសដែលកើតជា ថ្ម ហើយក៏ស្លាប់ដែរ។ក្រោយពីចាម្ប៍អុកឡុកអស់រយៈពេល 4 ឆ្នាំមកក្នុង(គ.ស១១៧៧.១១៨១)។ ដូច្នេះប្រាសាទបាយ័នគឺជាស្ថាននៃ”ពុទ្ធមហានាថ”ដែលគេតម្កល់នៅចំកណ្ដាលប្រាសាទដែលមានព្រះពុទ្ធរូបនាគប្រក់នេះដែលទទួលរងនូវការខូចខាតនៅពេលដែលខ្មែរត្រឡប់មកកាន់សាសនាព្រាហ្មវិញ។ផុតពីរាជព្រះបាទជ័យវរ្ម័នទី 7 ដែលជាអ្នកកសាងសព្វថ្ងៃព្រះពុទ្ធរូបនោះបានតម្កល់នូវព្រះវិហារ 7 ល្វែង តាមផ្លូវចេញទៅទ្វារជ័យ។ មិនតែប៉ុណ្ណោះមានទេពនិក សំខាន់ៗទាំងឡាយដែលថែរក្សាប្រភពខ្មែរសម័យនោះក៏គេមានសាងព្រះពុទ្ធរូបតម្កល់នៅតាមបន្ទប់ផ្សេងៗ នៅតាមទីនេះដែរ ដូចជា ទេពនៅ វត្តភូ ព្រះវិហារ ភ្នំជីសូរ្យ និងប្រាសាទ ភិមាគ ជាដើម។ក្នុងន័យនេះប្រាសាទបាយ័ន ជាទីប្រជុំនៃ ទេពទាំងពួង នេះជាន័យ នៃពាក្យ(ទេវាវិនិច្ឆ័យ)។ គួររំលឹកឡើងវិញថាទាំងថ្មចម្លាក់នៅទីនេះដែលគួរឲ្យចាប់អារម្មណ៍ពន់ប្រមាណ ជាពិសេសនៅថែវខាងក្រៅត្បិតសំបូរទៅដោយហេតុការណ៍ ប្រវត្តិសាស្រ្តផង។ពីជីវភាពធម្មតា នៃប្រជាជនសមពា្ញផង។គេមិនត្រឹមតែឆ្លាក់រូបប្រជាជនខ្មែរប៉ុណ្ណោះទេ។តែយើងឃើញមានចម្លាក់ដ៏សែនរស់រវើក បានបង្ហាញពីជនជាតិចិន ដែលជាម្ចាស់ហាងរកស៊ី […]

វេទិកាដែលរៀបចំឡើងដោយ មណ្ឌលព័ត៌មានស្ត្រីកម្ពុជា (WMC )នៅខេត្តសៀមរាប ដែលមានការចូលរួមរបស់ស្ត្រីអ្នកសារព័ត៌មាននៅតាមបណ្ដាខេត្តនានា ដូចជា កំពង់ធំ សៀមរាបបន្ទាយមានជ័យ ភ្នំពេញ និងឧត្តរមានជ័យ។ អង្គពិធីនេះមានការផ្ដោតទៅលើសុខភាព ផ្លូវចិត្ត ស្ងប់ចិត្ត ដែលនឹងមានការកើតឡើងចំពោះមនុស្សគ្រប់ៗរូបតាមការគូសបញ្ជាក់ពីអ្នកនាង រ៉ាត់ស្រីពៅអនុបណ្ឌិតចិត្តវិទ្យាផ្លូវចិត្ត នឹងប្រឹក្សាផ្លូវចិត្ត បញ្ជាក់ពីសុខភាពផ្លូវចិត្តនិងបញ្ហាផ្លូវចិត្តដែលកើតឡើង ជាញឹកញាប់នៅក្នុងប្រទេសកម្ពុជាយើង។ហើយវាក៏អាចមានសារៈសំខាន់នៃសុខភាពផ្លូវចិត្ត។ជារោគសញ្ញាមួយដែលយើងអាចមើលឃើញនិងដឹងតាមរយៈផ្លូវចិត្ត។ ហើយសារៈសំខាន់មួយទៀតដែលអ្នកនាង រ៉ាត់ស្រីពៅ បញ្ជាក់ឲ្យដឹងថាសុខភាពផ្លូវចិត្តនេះទាក់ទងទៅនឹងរូបកាយសប្បាយចិត្ត។បើសុខភាពផ្លូវចិត្តរាងកាយអត់សុខស្រួលទេយើងក៏អត់សប្បាយចិត្តដែរ។ប៉ុន្តែទាំងអស់នេះជាការកើតឡើងពីផ្លូវចិត្ត។ អ្នកស្រីហង្សសម្ផស្ស ប្រធានក្រុមបណ្ដាញអ្នកសារព័ត៌មាន (cfj )បន្តថាក្នុងចំណោមស្ត្រី ដែលមានតួនាទីធំ អ្នកដែលធ្វើសេចក្តីសម្រេចចិត្តនោះគឺមានភាគតិចណាស់។ភាពជាក់ស្ដែងមួយនៅក្នុងស្ថាប័នការងារស្ត្រីស្ថិតក្នុងចំណោមជាកូនចៅគេអត់សូវមានជាអ្នកដឹកនាំគេទេ។ហើយអ្វីៗក៏ជាអ្នកសម្រេចចិត្តដោយខ្លួនឯងដែរ។ ការបញ្ជាក់បន្ថែមពីរអ្នកស្រីឈុនផាន់ណាផា នៃអង្គការមណ្ឌលព័ត៌មានស្ត្រីកម្ពុជា បង្ហាញពីអ្វីដែលផ្ដោតសំខាន់ការលើកកម្ពស់សេរីភាពការបញ្ចេញមតិធានាបាននូវសមត្ថភាពអ្នកសារព័ត៌មានស្ត្រីនិងការចុះអនុវត្តច្បាប់ពិសេសការទាក់ទងនឹងបញ្ហានិរន្តរភាព។ ការបង្ហាញពីលោកស្រីសាវតាច័ន្ទគ្រឹស្នា នាយិកា មណ្ឌលព័ត៌មានស្ត្រីកម្ពុជា(WMC) បញ្ជាក់ឲ្យដឹងជុំវិញការពាក់ព័ន្ធស្ត្រីអ្នកសារព័ត៌មានទាំងនៅបណ្ដាខេត្តនិងភ្នំពេញគឺធ្វើឡើងដើម្បីពង្រឹងបណ្ដាញអ្នកសារព័ត៌មានស្ត្រី (cfj )នៅខេត្តសៀមរាបដើម្បីលើកកម្ពស់នៅការយល់ដឹងនិងសេវាកម្ម នៃសារព័ត៌មានរបស់ស្ត្រីទាំងខេត្តនិងភ្នំពេញដើម្បីចែករំលែកនូវបទពិសោធន៍សំខាន់គឺអ្វីដែលប្រឈមទាក់ទងផលប៉ះពាល់ផ្លូវចិត្ត ផ្លូវច្បាប់ និងផ្ដល់នូវវេទិកាសម្រាប់អ្នកពាក់ព័ន្ធក្នុងការចែករំលែកតួនាទីនៅក្នុងការការពារសុវត្ថិភាពនៃការបញ្ចេញមតិនិងសេរីភាពនៅក្នុងសារព័ត៌មាន។ #គីតា

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា អញ្ជើញដឹកនាំសម័យប្រជុំព្រឹទ្ធសភាជាវិសាមញ្ញ នីតិកាលទី៥ ដើម្បីពិនិត្យ ឱ្យយោបល់លើសេចក្តីព្រាងច្បាប់ស្តីពី ការអនុម័តយល់ព្រមលើអនុសញ្ញា ស្តីពី ឯកភាវូបនីយកម្មនៃវិធានមួយចំនួន ពាក់ព័ន្ធនឹងការដឹកជញ្ជូនអន្តរជាតិតាមផ្លូវអាកាស នៅវិមានព្រឹទ្ធសភា រាជធានីភ្នំពេញ។ ព្រឹកថ្ងៃពុធ ១១ រោច ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣១ ខែកក្កដា ឆ្នាំ២០២៤

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា អនុញ្ញាតឱ្យ ឯកឧត្តម លី ឈូលវ៉ូ (LEE CHEOL-WOO ) អភិបាលខេត្តឃ្យុងសាងបុកដូ សាធារណរដ្ឋកូរ៉ ចូលជួបសម្ដែងការគួរសម នៅវិមានព្រឹទ្ធសភា រាជធានីភ្នំពេញ។ ថ្ងៃចន្ទ ៩ រោច ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៩ ខែកក្កដា ឆ្នាំ២០២៤

ព្រឹកថ្ងៃទី២២​ ខែកក្កដា​ ឆ្នាំ២០២៤ លោកស្រី​ រិន​ ធារ៉ា​ អភិបាលរង​ តំណាងលោក​ លី​ សុវណ្ណ​ អភិបាលនៃគណៈអភិបាលក្រុងកំពង់ចាម​ បានអមដំណេីរជាមួយគណៈប្រតិភូក្រសួងទេសចរណ៍​ ចុះតាមបណ្តាសង្កាត់ មណ្ឌលសុខភាព​ វត្តអារាម​ និងសាលារៀន​ ដេីម្បីចុះត្រួតពិនិត្យ​ និងវាយតម្លៃការអនុវត្តគោលការណ៍ណែនាំ​ ស្តីពី​ ការរៀបចំទីក្រុងទេសចរណ៍គ្មានផ្សែងបារី​ ស្ថិតក្នុងភូមិសាស្ត្រក្រុងកំពង់ចាម។

ប្រជាកសិករបន្តដាំត្រឡាចអាស្រ័យលើទីផ្សារ ឈ្មួញដែលមកទិញត្រឡាច បន្តទៅលក់នៅភ្នំពេញ ដែលមានតម្លៃឡើងចុះមិនទៀងទាត់ ក៏ប្រជាកសិករយើងនៅតែបន្តដាំដដែល។ លោកអានផុនជាកសិករដាំត្រឡាចបានប្រាប់ឲ្យដឹងថាលោករស់នៅភូមិកាហេ ស្រុកកងមាស ឃុំព្រែកកុយខេត្តកំពង់ចាម។ លោកថាលោកដាំត្រឡាចដែលមានផ្ទៃដីកន្លះហត្ថ ដោយដាំមួយវគ្គៗ ។ ក្នុង១វគ្គគឺដាំបាន១ខែកន្លះទទួលបានផលហើយ។ពេលគ្រប់ចំនួនថ្ងៃត្រូវបេះ ជួនបេះបាន 100 គីឡូទៅ 200 គីឡូ លក់បានក្នុង១គីឡូ តម្លៃពី1000 រៀល ទៅ 1300 រៀល ឬ 1,800 រៀល តាមការឡើងចុះ។ពេលនេះយើងយកត្រឡាចមកបោះឲ្យគេយកទៅលក់បន្តទៅផ្សារនាគមាសទៀត។ ក្រោយពីលក់បានលុយភ្លាមៗមានចំនួន 11 ម៉ឺនរៀល ធ្វើឱ្យលោកអានផុនសប្បាយរីករាយណាស់។ហើយលោកថាលោកនឹងមានទឹកចិត្តដាំបន្ត ទោះមានការនឿយហត់ត្រឡាចមានការឡើងចុះក្តី តែពេលនេះបានលុយដល់ដៃធ្វើឱ្យលោកអានផុនលែងមានការនឿយហត់ទៀតហើយ។ អ្នកស្រីសុឹមវណ្ណ ជាអ្នកជិតខាងរស់នៅ ភូមិ ស្រុក ដូចលោកអានផុនដែរអ្នកស្រីបានមកលក់ត្រឡាចនៅទីនេះជាមួយលោកអានផុន។លោកស្រីដាំខ្លួនឯង ជួលដីគេធ្វើដំណាំត្រឡាចចំនួន 10 អា ហើយថ្ងៃនេះអ្នកស្រីបានយកត្រឡាច ក្នុង១ថង់ មានចំនួន 10 គីឡូ។តែអ្នកស្រីថាថ្ងៃនេះខ្ញុំមានត្រឡាច ចំនួន 20 គីឡូទេ យកមកលក់។ការដាំត្រឡាចរបស់អ្នកស្រី ក្នុង១ឆ្នាំៗ អ្នកស្រីថា បាន២ដងទៅ៣ដងដែរ។អ្វីដែលលំបាកនោះគឺស្មៅដុះ ព្រោងព្រាត ដែលយើងត្រូវចាំបាច់ដកស្មៅចេញរាល់ថ្ងៃនិងដាក់ជីបន្ថែមទៀត។ទើបធ្វើឱ្យត្រឡាចយើងល្អ។ជីរដែលយើងយកមកដាក់ត្រឡាចនោះ […]

អ្នកនាងឈិត ឆពុំអ្នកសម្របសម្រួលសមាគម ខេត្តតាកែវអ្នកនាងធ្វើការទៅលើ អាហារូបត្ថម្ភ ផ្នែកកសិកម្ម ដោយបំផុសឲ្យកសិករយើងដាំបន្លែជាលក្ខណៈគ្រួសារសម្រាប់បរិភោគដោយមិនបាច់ចំណាយលុយទៅទិញនៅខាងក្រៅផ្ទះឡើយ។ ទាក់ទងនឹងបន្លែដែលជាអាហារូបត្ថម្ភ យើងតែងតែជួយបំផុសអ្នកម្ដាយគ្រប់រូប ត្រូវឱ្យកូនតូចៗ អាយុក្រោម 5 ឆ្នាំស្ត្រីមានផ្ទៃពោះ ស្ត្រី ដែលជាវេនបន្តពូជ ឱ្យពួកគាត់ ធ្វើបបរគ្រប់គ្រឿង ដែលមានបន្លែគ្រប់មុខ នៅតាមផ្ទះដែលគាត់ផ្តល់ទៅឲ្យកូនតូចៗរបស់គាត់។ អ្នកនាង ឈិត ឆពុំ រៀបរាប់អំពីមាតាដែលមានកូនតូចៗអាយុពី 6 ខែឡើងទៅ។ត្រូវលើកទឹកចិត្តឲ្យគាត់ធ្វើ បបរគ្រប់គ្រឿង សម្រាប់កូនៗ របស់គាត់ញ៉ាំដែលមានបន្លែ ដាំ គ្រប់មុខជុំវិញផ្ទះ។ការធ្វើបែបនេះ ធ្វើឱ្យកូនៗរបស់គាត់មាន សុខភាពល្អបញ្ញាវាងវៃទៀតផង។ អ្នកស្រីមាសទាវ វិញ ដែលជាកសិករម្នាក់ រស់នៅ ស្រុកសំរោងខេត្តតាកែវ បានឲ្យដឹងថា បន្លែនៅជុំវិញផ្ទះមានដូចជា ស្ពៃ ត្រឡាច ល្ពៅ សណ្ដែកកួរ ខាត់ណា សឹងជាបន្លែធម្មជាតិ។ការដាំបន្លែទាំងនេះមិនត្រឹមតែបានហូបទេ យើងបានយកទៅលក់ទៀតផង។ សុទ្ធសឹងធម្មជាតិទាំងអស់។យើងពុំបានប្រើជីគីមីឡើយ។ ក្រៅពីនេះមានដាំស្រូវ យើងធ្វើបែបធម្មជាតិដែរ។មិនដែលប្រើជីគីមីឡើយ យើងប្រើប្រាស់ជីធ្វើដោយខ្លួនឯង។ហើយចៅៗរបស់ខ្ញុំទាំងពីររួមទាំងកូនចៅអ្នកភូមិនេះ ញាំតែបន្លែធម្មជាតិ ដាំខ្លួនឯង ហើយម្យ៉ាងទៀតយើងបានយកបន្លែគ្រប់មុខដែលយើងដាំធ្វើបបរគ្រប់គ្រឿងឱ្យកូនតូចៗរបស់យើងញ៉ាំ ដោយបន្ថែមលើសាច់ ស៊ុត ខ្លះៗតែប៉ុណ្ណោះ។ […]

អ្នកស្រីឌីកេសី ចង់បន្ថែមលើការចិញ្ចឹមជ្រូកបន្ទាប់ពីធ្វើដំណាំកសិកម្ម នៅតាមផ្លូវលំមួយ ដែលគេសង្កេតឃើញមានទ្រុងមាន់ឬទ្រុងមានជ្រូកធំៗជាច្រើនក្បាល កំពុងដណ្ដើមចំណីស៊ីលាន់ទ្រហឹង។អ្នកស្រីឌីកេសី ដែលកំពុងឈរមើលជ្រូក និង ដាក់ចំណីឲ្យជ្រូកដែលតាំងពីដឹងក្តីមកកាលណារហូតមកដល់អាយុ 44 ឆ្នាំទៅហើយ។ឃើញមានមុខរបរចិញ្ចឹមជ្រូកបន្តពីឪពុករហូតមកដល់អ្នកស្រី ដែលឪពុកអ្នកស្រីមានដីធ្លីជាច្រើនកន្លែង ធ្វើ ចម្ការ និង ធ្វើស្រែ ព្រមទាំងចិញ្ចឹមជ្រូក មាន់ ទា ។អ្នកស្រីឌីកេសី មានបងប្អូនចំនួន 8 នាក់ ប្រុស ៤ស្រី៤ ដោយចែកគ្នាមើលការខុសត្រូវលើការងារក្នុងកសិដ្ឋាន។ដែលមានផ្ទះខ្លះនៅម្ដុំខាងជើង ទុកឲ្យប្អូនមើល ការខុសត្រូវ ខាងកើត មានប្អូនម្នាក់ទៀតថែរទាំ។និងជម្រះស្មៅមើលដំណាំផ្សេងៗ ហើយនៅខាងលិចក៏ដូចគ្នា។ បើនិយាយពីការចិញ្ចឹមជ្រូកវិញក្នុង១ឆ្នាំៗ អ្នកស្រីឌីកេសីលក់វិលជុំដោយគេមកទិញដល់កសិដ្ឋាន។ដែលមានតម្លៃក្នុង១គីឡូ 1,500 រៀល។ និយាយតែការលក់កូនជ្រូកទេ។បើតម្លៃជ្រូកធំៗវិញក្នុង១គីឡូ ២៤០០ រៀល ទៅពី 2,500 រៀល ឬ 1800 រៀល ឈ្មួញមកយកដល់ផ្ទះ។ ទោះបីការចិញ្ចឹមជ្រូកសព្វថ្ងៃអាចជួយទ្រទ្រង់ដល់គ្រួសារបានមួយចំនួនក្តីតែសម្រាប់ក្រុមគ្រួសារវិញក៏មិនទាន់មានគម្រោងចង់ធ្វើផ្ទះដែរ។ដោយយកគ្រែដាក់ដេកនៅក្រោមដើមឈើ ឬ ក្រោមផ្ទះរដិបរដុប ព្រោះចង់ពង្រីកទិញដីឬបង្កើតមុខរបរមិនដែលគិតថាចង់គតិតទៅលើការធ្វើផ្ទះទេ សូម្បីតែប្អូនខ្ញុំធ្វើផ្ទះក៏ខ្ញុំមិនដែលបានទៅដេកមួយយប់ឡើយ។ អ្នកស្រីឌីកេសីបានបង្ហើបឲ្យដឹងទៀតថា ខ្ញុំមានកសិដ្ឋានចិញ្ចឹមជ្រូកមែន តែឪពុករបស់ខ្ញុំវិញ គាត់គ្មានគម្រោងធ្វើផ្ទះដែរ។គឺចង់តែទិញដីទុក្ខតែប៉ុណ្ណោះទោះបីអ្នកខ្លះមានផ្ទះទំនើបៗក៏ដោយខ្ញុំវិញចង់រស់នៅ បែបធម្មជាតិ ហើយយកលុយទៅចែកជូនដល់ជនក្រីក្រ […]